11.09c
Երեվան
երք, մրտ 11
10 տարի առաջ հունիսի 16-ին Լիբանանի հայկական ծերանոցում մահացավ 20-րդ դարի հայ տաղանդավոր գրողներից մեկը՝ Աբրահամ Ալիքյանը:
Բանաստեղծ, թարգմանիչ Աբրահամ Ալիքյանը ծնվել է Սիրիայի Ալեքսանդրետտա քաղաքում (այժմ Թուրքիա)։ Նախնական կրթությունը ստացել է տեղի Նուպարյան վարժարանում։ Ալեքսանդրետի սանճագի պարպումից հետո, 1939 թվականին ընտանիքով գաղթել է Բեյրութ։ Ավարտել է Բեյրութի Սահակյան վարժարանը, ապա Նշան Փալանճյան ճեմարանը (1946)։ 1947 թվականին ներգաղթել է Հայաստան։ 1952 թվականին հաստատվել է Մոսկվայում։ 1954 թվականին ավարտել է Մոսկվայի Մաքսիմ Գորկու անվան գրականության ինստիտուտը, նույն թվականից դարձել այդ ինստիտուտի դասախոս։ 1990-ականների սկզբներին դուրս է եկել Խորհրդային Միությունից, որոշ ժամանակ ապրել Ֆրանսիայում, ապա վերադարձել և հաստատվել է Լիբանանում։ Նրա գործերից թարգմանվել են մի շարք լեզուներով: Աբրահամ Ալիքյանը եղել է ֆրանսագիր մի շարք հեղինակների, հատկապես Ապոլիների, Էլյուարի, Ազնավուրի գործերի առաջին թարգմանիչներից մեկը: Ունի բազմաթիվ հրատարակված ժողովածուներ:
Գրողն ամուսնացած է եղել երկու անգամ, ուներ երկու որդի:
Աբրահամ Ալիքյանի վերջին լուսանկարը՝ ծերանոցում, իր ծննդյան օրը, 2013 թ., մայիսի 21
Լուսանկարը՝ Շահե Հարությունյանի
