Սուրիա-(«Ալ Մայատին»-Պէյրութ) « Ալ Մայատին»կայանի փոխանցմամբ Սուրիոյ բանակը զինուորական լայնածաւալ գործողութիւն շղթայազերծած է Հոմսի հիւսիսային հատուածներուն ուղղութեամբ: Ըստ նախնական տուեալներու ծանր մարտեր կը գրանցուին «Ալ Տար Ալ Քապիրա» շրջանին մէջ: Վերջին տուեալներուն համաձայն Սուրիոյ բանակը յաջողած է ազատագրել «Խալտիյա» աւանը, որ կը գտնուի Հոմսի հիւսիսային շրջանին մէջ: Կը հաղորդուի նաեւ, որ սուրիական բանակը յաջողած է տիրապետել Հալէպի Թալ Ալ Նահամ եւ Թալ Ալ Սըպհիայ շրջաններուն վրայ: Յիշեցնենք, որ այս շրջանները կը գտնուին Հալէպ- Հոմս գլխաւոր ճանապարհին մօտ: