Սպանիան եւ Նորվեկիան ճանչցած են Պաղեստինը որպէս անկախ պետութիւն. համապատասխան որոշումներն ուժի մէջ մտած են մայիս 28-էն։
Աւելի վաղ Նորվեկիոյ արտաքին գործոց նախարար Էսփէն Պարթ Էյտըն Պրիւքսէլի մէջ կայացած հանդիպման ժամանակ ճանաչումը հաստատող փաստաթուղթը յանձնած է Պաղեստինի ազգային վարչակազմի վարչապետ Մուհամետ Մուսթաֆային:
Էյտընի խօսքով՝ տուեալ որոշումը կրնայ աւելի մեծ ազդակ հաղորդել Մերձաւոր Արեւելքի մէջ խաղաղ կարգաւորման, եթէ Նորվեկիոյ օրինակին հետեւին այլ երկիրներ:
Սպանիոյ վարչապետ Փետրօ Սանչեսն ալ յայտարարած է, որ Մատրիտը կը ճանչնայ Պաղեստինի անկախ պետութիւնը 1967 թուականի սահմաններով՝ Արեւելեան Երուսաղէմ մայրաքաղաքով: Անոր խօսքով՝ որոշումը պատմական է, այն ուղղուած չէ ոչ մէկու դէմ, այդ շարքին՝ Իսրայէլի: Սանչեսը վստահեցուցած է, որ Իսրայէլը Սպանիոյ բարեկամն է, որու հետ Մատրիտը մտադիր է պահպանել լաւ յարաբերութիւնները: