6.09c
Երեվան
չրք, նմբ 06
Քազանի հիւրանոցները կը պատրաստուին՝ սպասարկելու բարձրաստիճան հիւրերուն։ Ռիա Նովոսթի գործակալութիւնը յայտնած է, որ կ'իրականացուին անվտանգութեան լուրջ միջոցառումներ։ «Պրիքս»ի գագաթնաժողովին իր մասնակցութիւնն արդէն հաստատած է 33 երկրի ղեկավար, որմէ 24-ը՝ առաջին դէմքի մակարդակով։
Գագաթնաժողովը նախատեսուած է 22-24 հոկտեմբերին։
Զբօսաշրջութեան տարածաշրջանային պետական կոմիտէի տուեալներով՝ Քազանի մէջ «Պրիքս»ի գագաթնաժողովին նախապատրաստուելու ժամանակ կառուցուած են նոր հիւրանոցներ, իսկ եղածները վերանորոգուած։
Նախապէս նախագահական սենեակներ կային քաղաքի ընդամէնը ութ հիւրանոցներու մէջ, վերանորոգման ընթացքին այդ չափանիշներով կահաւորուած է եւս 14-ը։ Այս պահուն 58 հիւրանոցի աւելի քան 6,6 հազար համարներ պատրաստ են հիւրեր ընդունելու։
Նշուած է, որ Քազանի մէջ երկիրներու առաջին դէմքերը պիտի մնան հինգ աստղանի հիւրանոցներու մէջ:
Ռիա Նովոսթի գործակալութեան տուած հարցազրոյցին Թաթարստանի մշակութային ժառանգութեան զարգացման ճաշարաններու եւ հիւրանոցատէրերու միութեան փոխնախագահ Ռատիկ Ապտրախմանով ըսած է, որ Քազանի մէջ հիւրանոցային համարներու ֆոնտի պատրաստականութիւնն ապահովուած է ամենաբարձր մակարդակով։ Ան նշած է, որ քաղաքը նաեւ ժամանցային ծրագիր կը պատրաստէ օտարերկրեայ հիւրերուն համար։ Պաշտօնեաներուն պիտի հիւրասիրեն ազգային խոհանոցի ուտեստներ։
