11.09c
Երեվան
հնգ, ապր 25
Ռուսիոյ եւ Թուրքիոյ պաշտպանութեան նախարարներ Սերգէյ Շոյկուն եւ Հուլուսի Աքարը բանակցութիւններ վարած են Անգարայի նախաձեռնութեամբ։ Տեղեկութիւնը յայտնած է Ռուսիոյ Դաշնութեան Պաշտպանութեան նախարարութեան մամուլի ծառայութիւնը։
Նշուած է, որ քննարկման առանցքը, ի թիւս այլ հարցերու, եղած է Լեռնային Ղարաբաղի խնդիրը։
«Բանակցութիւններու ընթացքին կողմերը քննարկած են «Սեւծովեան նախաձեռնութեան» իրականացման արդիւնքները, Սուրիոյ եւ Լեռնային Ղարաբաղի հակամարտութեան կարգաւորման հարցերը, ինչպէս նաեւ փոխադարձ հետաքրքրութիւն ներկայացնող փոխգործակցութեան այլ ուղղութիւններ», - նշուած է Ռուսիոյ Դաշնութեան պաշտպանական գերատեսչութեան տարածած հաղորդագրութեան մէջ։
