23.09c
Երեվան
հնգ, օգս 13
Հայաստանի մօտ Ռուսիոյ դեսպան Սերկէյ Քոփիրքի 24 Հոկտեմբերին կանչուեցաւ Հայաստանի արտաքին գործոց նախարարութիւն` «Առաջին Ալիք» համառուսական դաշնակցային պատկերասփիւռի կայանի եթերէն սփռուած հաղորդումին գծով, որուն ընթացքին հնչեցին վիրաւորական եւ բացարձակապէս անընդունելի արտայայտութիւններ Հայաստանի բարձրաստիճան պաշտօնեաներու հասցէին։ Այս մասին հաղորդագրութեան մը միջոցաւ յայտնեց Հայաստանի արտաքին գործոց նախարարութիւնը:
Ըստ այդ հաղոդագրութեան` դեսպանին յանձնուեցաւ համապատասխան բողոքագիր մը:
Յայտնենք, որ 23 Հոկտեմբերին «Առաջին Ալիք»ը սփռեց Հայաստանի վարչապետին, մեղմ ասած, քննադատող ծրագիրը` «Նիկոլ Փաշինեան. աղէտ բերողը» վերնագիրով: Գրեթէ մէկ ժամ տեւած հաղորդումին ընթացքին յատկապէս շեշտուեցաւ, որ Ռուսիայէն տարեկան շուրջ 30 միլիառ ռուբլի կ՛ուղարկուի Հայաստան, Մոսկուա 4 ռազմակայան եւ կայանատեղ ունի Հայաստանի տարածքին եւ առնուազն 4 հազար սահմանապահներ:
