16.09c
Երեվան
երք, հնս 17
Խարքովի վրայ գիշերային հարուածի հետեւանքով զոհուած է երկու մարդ, վիրաւորուած՝ 54-ը: Տեղական իշխանութիւնները յայտնած են, որ տուժածներու շարքին կայ հինգ երեխայ:
Խարքովի քաղաքապետ Իկոր Թերեխովը յայտնած է, որ 17 «Շահետ» անօդաչու թռչող սարքերու միջոցով հզօր հարուածները հրդեհներ առաջացուցած են հինգյարկանի բնակելի շէնքի 15 բնակարաններու մէջ։
«Ուղիղ հարուածներ բազմայարկ շէնքերուն, մասնաւոր տուներուն, խաղահրապարակներուն, ձեռնարկութիւններուն, հասարակական փոխադրամիջոցներուն։ Այրող բնակարաններ, աւերուած տանիքներ, այրած մեքենաներ, կոտրուած պատուհաններ», - գրած է Թերեխովը Telegram-ի էջին։
Խարքովի մարզային ռազմական վարչակազմի ղեկավար Օլեկ Սինեկուպովը Telegram-ի էջին նոյնպէս յայտնած է, որ յարձակումներու հետեւանքով վնասուած է քաղաքային գծակառքային կայարանը։
