15.62c
Երեվան
չրք, հնս 17
Հայաստանը սկսած է ռուպլիով վճարել ռուսական կազի դիմաց: Այս մասին ըսած է տնտեսութեան նախարար Վահան Քերոբեանը: «Պէտք է շարժուել ազգային արժոյթների ուղղութեամբ: Ռուսական կողմից այս ուղղութեամբ յառաջընթաց կայ», աւելցուցած է ան:
«Որքան գիտեմ, վերջին մի քանի վճարումները հէնց ռուպլիով են կատարուել, բայց ըստ համապատասխան փոխարժէքի», ըսած է Քերոբեանը: Անոր խօսքով` գնագոյացումը կը կատարուի տոլարով, բայց վճարումը կ'իրականացուի ռուպլիով:
«Իսկապէս, Հայաստան կազի մատակարարման «Կազփրոմի» պայմանագիրը արդէն մի քանի տարի է` թոյլ է տալիս կազի դիմաց վճարել ռուպլիով, եւ այդ հնարաւորութիւնն օգտագործւում է», ըսած է «Կազփրոմ»ի պաշտօնական ներկայացուցիչ Սերկէյ Գուփրիյանովը:
Քերոբեան ըսած է, որ «կայ ըմբռնում», որ «պէտք է շարժուել ազգային արժոյթների ուղղութեամբ` ԵՏՄ-ի անդամների միջեւ հաշուարկներում, եւ ռուսական կողմից կայ առաջընթաց այդ ուղղութեամբ: Չպէտք է բացառել հայկական դրամը կամ ղազախական թենկեն որպէս վճարման հնարաւոր միջոց: Մենք կարծում ենք, որ երկրների կեդրոնական դրամատուները պէտք է ստեղծեն համապատասխան միջավայր, որպէսզի վճարումներն ազգային արժոյթներով կատարուեն` փոխարժէքի տեսանելիութեամբ կամ կանխատեսելիութեամբ», յաւելած է ան:
