1.09c
Երեվան
հնգ, դկտ 12
Ռուսիոյ Դաշնութեան նախագահ Վլատիմիր Փութինն արդէն Քազանի մէջ է, ուր յառաջիկայ օրերուն պիտի կայանայ «Պրիքս»-ի գագաթնաժողովը, ըսած է Ռուսիոյ նախագահի մամուլի քարտուղար Տմիթրի Փեսքովը։ Այս մասին գրած է realnoevremya.ru-ն:
Առաջիկայ երեք օրերու ընթացքին Փութինը պիտի ունենայ առնուազն 14 երկկողմ հանդիպում «Պրիքս»-ի շրջածիրէն ներս գործընկերներու հետ։
Յայտնի է, որ այսօր Փութինը գագաթնաժողովը պիտի բանայ Քազանի քաղաքապետարանին մէջ տրուելիք ընթրիքով։ Ան նաեւ կը նախատեսէ հանդիպիլ Չինաստանի ղեկավար Սի Ծինփինի, Եգիպտոսի նախագահ Ապտել Ֆաթթահ Սիսիի, Հնդկաստանի վարչապետ Նարենտրա Մոտիի, Հարաւային Ափրիկէի առաջնորդ Սիրիլ Ռամաֆոսայի եւ «Պրիքս»-ի նոր զարգացման դրամատան նախագահ Տիլմա Ռուսեֆի հետ:
