9.09c
Երեվան
կրկ, մրտ 29
Չորեքշաբթի օր՝ ժամը 12:00-ին, Նիկոլ Փաշինեան ելոյթ պիտի ունենայ Սթրազպուրկի լիագումար նիստերու դահլիճին մէջ, յայտնած է Եւրոպական խորհրդարանը։
Փաշինեանի ուղերձը տեղի կ՚ունենայ Հայաստանի մէջ 2026 թուականի յունիս 7-ին կայանալիք խորհրդարանական ընտրութիւններէն առաջ, որ, կ՚ակնկալուի, որ պիտի ուրուագծէ երկրի արագ զարգացող յարաբերութիւններու հետագայ ընթացքը Եւրոպական Միութեան հետ եւ խաղաղութեան գործընթացը հարեւան Ատրպէյճանի հետ:
«Հայաստանի կառավարութիւնը հաւատարիմ է Պաքուի հետ տեւական խաղաղութեան հասնելու եւ Թուրքիոյ հետ յարաբերութիւններու կարգաւորման, Արեւմուտքի հետ մերձեցման եւ ապագային Եւրոպական Միութեան անդամակցութեան հնարաւոր յայտին»,- գրուած է հաղորդագրութեան մէջ:
Բացի այդ, Եւրոպական միութիւնը ներկայիս վիզաներու ազատականացման շուրջ երկխօսութիւն կը վարէ Հայաստանի հետ, իսկ մայիս 5-ին նախատեսուած է Եւրոպական Միութիւն-Հայաստան յատուկ գագաթնաժողովը:
Սա պիտի ըլլայ Նիկոլ Փաշինեանի երկրորդ ելոյթը Եւրոպական խորհրդարանին մէջ՝ 2023 թուականին կատարած նախորդ այցէն ետք:
