3.09c
Երեվան
երք, հկտ 29
Լիբանանի հայ կաթողիկէ Մեսրոպեան վարժարանին մէջ օրերս տեղի ունեցած է ծնողական անդրանիկ ժողովը։
Ասոր «Արեւելք» տեղեկութիւն քաղեց Մեսրոպեանի դիմատետրեան էջէն։
Ստորեւ այդ մասին տրուած լրատւութիւնը։
Կայացաւ Մեսրոպեան վարժարանի Ծնողական ընդհանուր ժողովը
24 Հոկտեմբեր 2024-ին գումարուեցաւ Հայ կաթողիկէ Մեսրոպեան բարձրագոյն վարժարանի Ծնողական ընդհանուր ժողովը՝ մասնակցութեամբ տնօրէն պարոն Կրէկուար Գալուստի, կրթական խորհրդատու դոկտ. Քոլէթ Աունի եւ մանկապարտէզի, նախակրթարանի եւ միջնակարգ-երկրորդականի բաժանմունքներու պատասխանատուներուն:
Իր բացման խօսքին մէջ, պարոն Գալուստ ընդգծեց հաստատութեան անխախտ յանձնառութիւնը պահպանելու կրթական տարեշրջանի արդիւնաւէտ շարունակականութիւնը՝ Լիբանանի ներկայ խիստ բարդ պայմաններուն մէջ: «Պիտի չխնայենք որեւէ ճիգ՝ ուսումնական տարեշրջանի բնականոն ընթացքը ապահովելու համար», յայտնեց տնօրէնը, շեշտելով դպրոց-ծնողք համագործակցութեան կենսական կարեւորութիւնը՝ ի նպաստ այդ առաջադրանքին եւ աշակերտներուն:
Բաժանմունքներու պատասխանատուները ներկայացուցին համապարփակ զեկոյցներ՝ իրենց համապատասխան բաժիններուն կազմակերպչական ընթացակարգերուն վերաբերեալ եւ արժէքաւոր ուղղութիւններ փոխանցեցին ծնողներուն՝ ընթացիկ ուսումնական տարեշրջանի ակադեմական ընթացակարգերուն եւ ակնկալիքներուն վերաբերեալ:
Իր ներկայացման ընթացքին, կրթական խորհրդատու տիկին Քոլէթ Աուն կատարեց նախորդ ուսումնական տարեշրջանի ձեռքբերումներու մանրակրկիտ գնահատումը, ուրուագծեց յառաջիկայ երեք տարիներու կրթական զարգացման ռազմավարական ուղղութիւնները, ներկայացուց մանրամասն տեղեկատուութիւն օմոլոկասիոնի կարգավիճակի ձեռքբերման ընթացքին մասին եւ յոյս յայտնեց այս նշանակալից հաւատարմագրման մօտալուտ իրագործման վերաբերեալ:
Մէկուկէս ժամ տեւողութեամբ հանդիպումը ծառայեց որպէս արդիւնաւէտ միջավայր՝ դպրոցի տնօրէնութեան եւ կրթական պատասխանատուիներու ու ծնողներու միջեւ շինիչ երկխօսութեան համար, վերահաստատելով հաստատութեան նուիրուածութիւնը՝ պահպանելու կրթական բարձր չափանիշները՝ միաժամանակ յարմարելով ներկայ մարտահրաւէրներուն:
