-0.91c
Երեվան
կրկ, դկտ 22
Լիբանան- Պէյրութի եւ շրջակայ արուարձաններու աղբահանութեան խնդիրը լուրջ տագնապի վերածուած է: Նշենք, որ հարցը բարդացած է յատկապէս «Ալ Նահմէ» շրջանին մէջ եղող աղբաթափման «կեդրոն»ի փակումէն ետք: Շրջանի բնակիչները ամիսներէ ի վեր կը պահանջեն տարբեր հանգամանքներու բերումով այդ շրջանին մէջ աղբաթափման կայան դարձած «կեդրոն»ին փակումը: Ներկայ պահու դրութեամբ աղբահանման գործը իրականացնող «Սուքլին» ընկերութիւնը իր կարգին յայտարարած է, որ կը հրաժարի Պէյրութի տարբեր փողոցներուն մէջ կուտակուած աղբը տարհանել առարկելով «Նահմէ»ի աղբակայանին փակումը: «Սուքլին» ընկերութեան Լիբանանի կառավարութեան հետ կնքուած պայմանագիրը եւս սպառած է եւ այդ առումով կառավարութիւնը պէտք է կամ վերանորոգէ այդ պայմանագիրը կամ ալ նոր ընկերութիւններու առիթ տայ այդ գործին համար: Տարբեր աղբիւրներ կը խօսին, որ աղբահանութեան տագնապի ետին կան քաղաքական դրդապատճառներ սակայն այս առումով մինչեւ այս պահը յստակ տեղեկութիւններ չեն հաղորդուիր:Նշենք, որ հայկական «Ազդակ» օրաթերթը այսօր այս նիւթին վերաբերեալ յատկացուցած է «Պէյրութը Վերածուած Է Աղբանոցի» խորագիրը կրող նիւթ մը:
