-2.91c
Երեվան
ուրբ, դկտ 19
Այսօր Հայաստանը եւ հայ ժողովուրդը խոր ճգնաժամի մէջ են: Այս մասին Փետրուար 5-ին, ՀՅԴ հիմնադրութեան 131-րդ ամեակին նուիրուած հանդիսութեան ժամանակ ըսած է ՀՅԴ Գերագոյն Մարմնի ներկայացուցիչ, ԱԺ-ի փոխխօսնակ՝ Իշխան Սաղաթէլեան:
«Օրուայ իշխանութիւնը ձախողել է բոլոր ոլորտներում`Արցախի հարցում, արտաքին քաղաքականութեան, անվտանգութեան, պաշտպանութեան, բանակաշինութեան, տնտեսութեան: Ձախողել են նաեւ այն ոլորտներում, որոնք իրենց համար եղել են իբր արժէք եւ համոզմունք: Արդէն ակնյայտ փաստ է` իրենք որեւէ կապ չունեն ժողովրդավարութեան, մարդու իրաւունքների, արդար դատական համակարգի, ընտրելու եւ ընտրուելու իրաւունքի հետ: Իրենց համար դա ընդամէնը լոզունգ է, ֆէյսպուքեան ստատուս, բայց ոչ երբեք նպատակ: Արդար դատական համակարգի ջատագովները կալանաւորում են ընդդիմադիրներին ապօրինի չդատող դատաւորներին, ազատ ընտրութիւնների ջատագովները ձերբակալում են ժողովրդի կողմից ընտրուած համայնքի ղեկավարներին, ուժային կառոյցները դարձել են երկրում մէկ մարդու բռնապետութիւն հաստատելու բութ գործիք, իսկ միջազգային հանրութիւնը եւ կառոյցները լուռ հետեւում են, դեռ մի բան էլ ասում են` Հայաստանում ժողովրդավարութիւնը առաջընթաց է գրանցել: Ամէն ինչ պարզ է. այս իշխանութիւնը ձեռնտու է բոլորին, բացի հայից»,- ըսաւ Սաղաթէլեան:
Սաղաթէլեանի խօսքով` երկիրը ձախողեցնելու գործընթացը կանգ չէ առած եւ աւելի մեծ թափով կը շարունակուի:
«Արդէն բաւ է, սպասելու տեղ չունենք, նահանջելու ժամանակ չունենք: Հայ-թրքական հաշտեցման գործընթացը, որը յանգեցնելու է թրքացման, պէտք է կասեցուի եւ սա լինելու է մեր քաղաքական պայքարի հիմնական ուղղութիւններից մէկը: Հայ ժողովրդին ցեղասպանութեան ենթարկած, եաթաղանը պայրաքթարով փոխարինած թուրքը չի կարող Երեւանի կեդրոնում զուարճանալ, իսկ մենք կենդանական բնազդով հետեւենք այդ ամէնին, չի ստացուելու, թոյլ չենք տալու»,- ըսաւ Իշխան Սաղաթէլեան:
