13.2c
Երեվան
չրք, ապր 08
ԵՄ արտաքին գործոց եւ անվտանգութեան քաղաքականութեան հարցերով բարձր ներկայացուցիչ Քայա Քալասը ողջունած է ԱՄՆ-ի եւ Իրանի միջեւ ձեռք բերուած զինադադարի համաձայնութիւնը՝ զայն անուանելով «մէկ քայլ ետ» անդունդի եզրէն, կը տեղեկացնէ «Արմենփրես»-ը։
«Ասիկա կը ստեղծէ խիստ անհրաժեշտ հնարաւորութիւն՝ մեղմելու սպառնալիքները, կանգնեցնելու հրթիռները, վերսկսելու նաւգնացութիւնը եւ տարածք ստեղծելու դիւանագիտութեան համար՝ դէպի երկարատեւ համաձայնութիւն։ Հորմուզի նեղուցը պէտք է կրկին բաց ըլլայ անցման համար»,– գրած է ԵՄ դիւանագիտութեան ղեկավարը X-ի մէջ։
Քալասը նաեւ յայտնած է, որ զրուցած է Փաքիստանի արտաքին գործոց նախարար Իսհաք Տարի հետ եւ շնորհակալութիւն յայտնած անոր՝ նախնական համաձայնութիւնը ապահովելու համար։
«Միջնորդութեան դուռը պէտք է բաց մնայ, որովհետեւ պատերազմի հիմքը կազմող պատճառները կը շարունակեն չլուծուած մնալ»,– գրած է ան։
Քալասը աւելցուցած է, որ ԵՄ-ն պատրաստ է աջակցելու միջնորդական ճիգերուն եւ կապի մէջ է շրջանի գործընկերներուն հետ։ Ան նաեւ տեղեկացուցած է, որ այս թեման այսօր պիտի քննարկէ Սէուտական Արաբիոյ մէջ։
