8.09c
Երեվան
հնգ, ապր 30
Արցախը Հայաստանին կապող միակ ճանապարհը Ատրպէյճանի կողմէ արգելափակելու պատճառով Արցախի Հանրապետութեան առողջապահութեան նախարարութեան ենթակայութեան տակ գործող բուժհաստատութիւններուն մէջ կը շարունակեն դադրեցուած մնալ ծրագրային վիրահատութիւնները։
«Արեւիկ» բուժմիաւորուման մէջ 8 երեխայ կը գտնուի վերակենդանացման եւ նորածնային բաժանմունքներուն մէջ:
Անոնցմէ 4 ամսական փոքրիկի առողջական վիճակը, որուն մօտ ախտորոշուած էր «ներքին օրկաններու լէիշմանախտ», կը շարունակէ մնալ ծանր եւ կը ստանայ համապատասխան բուժում:
«Հանրապետական բժշկական կեդրոն» -ին մէջ 11 բուժառու կը գտնուի վերակենդանացման բաժանմունքին մէջ, որմէ 4-ը ծայրայեղ ծանր վիճակի մէջ են, բժիշկներու կողմէ կը կատարուի հնարաւորը հիւանդներու վիճակը կայունացնելու համար: ԱՀ առողջապահութեան նախարարութիւնը կը ձեռնարկէ հնարաւոր բոլոր միջոցները շրջափակման պատճառով ստեղծուած իրավիճակը պատշաճ յաղթահարելու համար։ Արցախէն Երեւան տեղափոխուած սրտային ախտով հիւանդի կորոնար շրջերակը փոխելը աւարտած է բարեյաջող: Հիւանդը տեղափոխուած է վերակենդանացման բաժանմունք, առողջական վիճակը մասնագէտները կայուն կը գնահատեն:
