14.09c
Երեվան
հնգ, հնս 19
Թուրքիա- Շուէտի Նոպէլեան Ակադեմիոյ կողմէ այսօր մրցանակ ստացած գիտնականը արմատներով քիւրտ է: Այս մասին իմացանք «Արեւելք»ի Պոլսոյ աղբիւրներէն: Մեր աղբիւրը նաեւ հաղորդեց, որ Ազիզ Սանքար անցնող 7 Յունիսին HDP-ի ցուցակով Թուրքիոյ խորհրդարանի անդամ ընտրուած Միտհաթ Սանքարի հօրեղբայրն է: Նշենք, որ Սանքար այսօր ակաեդեմիոյ մէկ պատասխանատուին հետ հեռախօսային կապ ունենալով յայտնած է, թէ ինք հպարտ է իր ինքնութեամբ: Ան նաեւ նշելէ ետք Օրհան Փամուքին անունը դիտել տուած է, թէ այսօր Թուրքիոյ մէջ իր ստացած մրցանակին համար մեծ տօնախմբութիւններ պիտի կատարուին: Նշենք, որ Սանքար ծնած է 1946 թուականին Թուրքիոյ Մարտին շրջանին մէջ:
