15.09c
Երեվան
ուրբ, սպտ 20
ՄԱԿ-ը բաւարարած է Թուրքիոյ խնդրանքը` փոխել հանրապետութեան անուանումը բոլոր պաշտօնական փաստաթուղթերուն մէջ, յայտնած է ՄԱԿ-ի գլխաւոր քարտուղարի խօսնակ Սթեֆան Տիւժարիքը:
«Republic of Turkey»-ն (Թուրքիոյ Հանրապետութիւն) վերանուանուած է Republic of Türkiye», ըսած է Տիւժարիքը: Անոր խօսքով` փոփոխութիւնը ուժի մէջ մտած է Թուրքիոյ իշխանութիւններու դիմումէն անմիջապէս յետոյ:
Երկրի անուան կարճ տարբերակը այժմ Turkey-ի փոխարէն կը դառնայ Türkiye: Թուրքիոյ տեղը այբբենական կարգով պիտի չփոխուի, յաւելած է Տիւժարիքը:
Ինչպէս պարզաբանած է Թուրքիոյ արտաքին գործոց նախարար Մեւլութ Չաւուշօղլուն, Թուրքիոյ անուան ուղղագրութեան փոփոխութիւնը ընդունուած է որպէս Անգարայի քայլերու մէկ մաս, որոնք ուղղուած են «միջազգային ասպարէզին մէջ երկրի հեղինակութեան բարձրացման»:
