21.09c
Երեվան
շբթ, հլս 27
Լիբանանցի ճանչցուած թատերական գործիչ Զիատ Իթանի, որ երեք ամիսներ առաջ յայտնուած էր բանտի ճաղերու ետին կրնայ ազատ արձակուիլ:
Ըստ նախնական տուեալներու իսրայէլեան մարմիններու հետ լրտեսական «մութ գործարքներ»ու մէջ եղած Իթանիի գործը «շինծու» է:
Իր կարգին «Ալ Լիուաա» թերթը յայտնած է, որ հակառակ Լիբանանի մէջ ընթացող նախընտրական պայքարին, սակայն երկրի բնակչութիւնը նաեւ մեծ հետաքրքրութեամբ կը հետեւի դերասան Զիատ Իթանիի գործով տեղի ունեցող նորութիւններուն:
Աղբիւրը նշած է, որ օրերս Ներքին գործոց նախարարին թուիթըրեան գրառումը մեծ իրարանցում առաջացուցած է ժողովուրդին մէջ: Վերջինս գրառման մէջ կը պնդէր, թէ ի շահ Իսրայէլի լրտեսութեամբ զբաղելու մէջ մեղադրուող Զիատ Իթանի անմեղ է, եւ անոր հայրենասիրութիւնն ու ազգասիրութիւնը ոգեշնչող պէտք է ըլլայ բոլորին համար:
Աղբիւրը յայտնած է նաեւ, որ ներքին անվտանգութեան ծառայութեան աշխատակից սպայ Սուզան Ալ Հաճ հարցաքննութեան հրաւիրուած է, պարզելու համար անհիմն ամբաստանութեան պատճառներն ու հանգամանքները:
Իր հերթին Սէուտական Արաբիա գտնուող վարչապետ Հարիրի շեշտած է, որ Իթանիի դէմ սուտ մատնութիւն կատարած անձը դաժանագոյն պատիժին պիտի ենթարկուի:
