1.09c
Երեվան
կրկ, դկտ 22
ՀՀ Ազգային Ժողովէն ներս ՀԱԿ խմբակցութեան անդամ Արամ Մանուկեան, խօսելով «Ազատութիւն» ռատիոկայանին, նկատել տուած է, թէ Ուրբաթ Երեւանի «Ազատութեան» հրապարակին վրայ կայացուած «Ոչ»-ի հանրահաւաքը իրենց սպասածէն աւելի յաջող հաւաք մըն էր: Մանուկեան նաեւ յայտնեց, որ ընդդիմութիւնը կը պատրաստուի յառաջիկայ 1 Դեկտեմբերին կայացուելիք մեծ հանրահաւաքի: Ան, պատասխանելով «Ազատութիւն» ռատիօկայանի լրագրողի հարցին, կապուած նախատեսուած հանրահաւաքին ՀՀ առաջին նախագահի ելոյթ ունենալու մասին, ըսաւ «Որեւէ ատեն, ոչ ոք Տէր Պետրոսեանին չի կրնար թելադրել ելոյթ ունենալ կամ ոչ: Հայաստանի հանրապետութեան առաջին նախագահը միշտ ինք վճռած է իր խօսք առնել չառնելու հարցը», նշելով նաեւ, որ իրենց խորագոյն փափաքն է, որ Լեւոն Տէր Պետրոսեան ելոյթով հանդէս գայ: Նշենք, որ Հայաստանի ընդդիմութիւնը կը քննադատէ յառաջիկայ սահմանադրական բարեփոխման համար ըլլալիք հանրաքուէն` առաջադրանքը համարելով իշխանութիւնը վերարտադրելու համար եղած խաղ:
