4.09c
Երեվան
ուրբ, փտր 27
7 Օգոստոսին պաշտպանութեան նախարար՝ Արշակ Կարապետեան 3-րդ բանակային զօրամիաւորման ղեկավար կազմին ներկայացուցած է զօրամիաւորման նորանշանակ հրամանատար գնդապետ՝ Ալեքսանդր Ցականեանը:
Նախարարը միեւնոյն ժամանակ խստօրէն հրահանգած է կասեցնել Հայաստանի սահմանը հատելու հակառակորդի բոլոր փորձերը:
«Հակառակորդը չպէտք է ոչ մի ձեւ նոյնիսկ մտածի ներթափանցել մեր տարածք: Դա ձեր խնդիրն է: Դրա համար ջոկատի հրամանատարը, զօրամասերի հրամանատարները, ստորաբաժանումների հրամանատարները՝ սկսած դիրքի հրամանատարից ունեն բոլոր իրաւունքները կիրառել բոլոր միջոցները մեր սահմանները պաշտպանելու նպատակով: Միաժամանակ մենք ոչ մի ձեւ չենք ուզում ոչ մի ուղղութեան վրայ սրացումներ, բայց եթէ փորձեցին ներթափանցել մեր տարածք, ես բոլորիդ հրամայում եմ կիրառել բոլոր միջոցները, որ այդ միտումները յաջողութեան չհասնեն»,-ըսած է Արշակ Կարապետեան:
Նախարարը յանձնարարած է կարճ ժամանակի մէջ շտկել իր արձանագրած բոլոր թերութիւններն ու բացթողումները:
