16.09c
Երեվան
ուրբ, ապր 04
«Արեւելք» (Պէյրութ),-Չորեքշաբթի երեկոյեան ժամերուն անծանօթ մարդիկ կրակ բացած են հայկական ակումբի ուղղութեամբ։
Դէպքը տեղի ունեցած է Պէյրութի «Խալիլ Պատաուի» թաղամասին մէջ, ուր կը գտնուի Հնչակեան (ՍԴՀԿ) կուսակցութեան հովանաւորութիւնը վայելող ՀՄՄ-ի ակումբը։
Անծանօթները (ինչպէս երեւելի կը դառնայ տեսանիւթին մէջ) կրակ բացած են ակումբին ուղղութեամբ եւ արագօրէն հեռացած։
Բարեբախտաբար զոհեր կամ վիրաւորներ չեն գրանցուած, մանաւանդ, որ թաղային ակումբ հանդիսացող այդ կեդրոնը կը գտնու ի բանուկ փողոցի մը վրայ եւ յաճախ կը դառնայ մարդաշատ։
Մեր ունեցած վերջին տուեալներով Լիբանանի ապահովական մարմիններ իմանալէ ետք տեղի ունեցածը քննութիւն բացած են դէպքի մանրամասնութիւնները իմանալու, ինչպէս նաեւ յանցաւորները յայտնաբերելու ուղղութեամբ։
Լիբանանի մէջ երկար ժամանակէ ի վեր հայկական կեդրոններու կամ ակումբներու դէմ նման դէպքեր չեն գրանցուիր եւ եղածը կը համարուի անընդունելի նախադէպ։
