16.09c
Երեվան
ուրբ, ապր 04
Անհնար է միաժամանակ ըլլալ ԵԱՏՄ-ի եւ ԵՄ-ի մէջ, բայց Հայաստանն ինքը պէտք է որոշէ, թէ ուր աւելի լաւ է ըլլալ, ըսած է Ռուսիոյ արտաքին գործոց փոխնախարար Միխայիլ Կալուզինը։
«Մենք համոզուած ենք, որ անհնար է միաժամանակ ըլլալ երկու տարբեր միութիւններու մէջ, ինչպիսիք են ԵԱՏՄ-ը եւ Եւրոմիութիւնը... Պաշտօնական Երեւանը պէտք է որոշէ, թէ ուր աւելի լաւ է ըլլալ: Յոյսով ենք, որ հայ հասարակութեան կը բացատրեն ԵԱՏՄ-ին անդամակցութեան բոլոր օգուտները եւ ԵԱՏՄ-ի հետ խզման հետեւանքով կորուստներու մաշտապները, որ հասարակութիւնն ունենայ իրականութեան առարկայական պատկերացում»,- նշած է Արտաքին գործոց փոխնախարարը։
Կալուզինը աւելցուցած է, որ Հայաստանը ինքնիշխան պետութիւն է, որ ինքնուրոյն կ՚ընտրէ իր զարգացման շառաւիղը։
Մարտ 26-ին ԱԺ-ն երկրորդ եւ վերջնական ընթերցմամբ ընդունած է օրինագիծը ՀՀ-ի՝ Եւրոմիութեան անդամակցելու գործընթացի մեկնարկի մասին: Ռուսիոյ Դաշնութեան փոխվարչապետ Ալեքսէյ Օվերչուքն այս առնչութեամբ ըսած է, որ Երեւանը պէտք է ընտրութիւն կատարէ ԵԱՏՄ-ի եւ ԵՄ-ի միջեւ. երկու աթոռի վրայ նստիլ հնարաւոր պիտի չըլլայ:
