-4.91c
Երեվան
շբթ, դկտ 20
Նիկոլ Փաշինեան այսօր առաւօտ հանդէս եկաւ տեսաուղերձով։
Ստորեւ հատուած մը այսօր արտասանած անոր խօսքէն
«Կառուցենք Հայաստանը նորովի». այս կարգախօսը ընտրել էի դեռ պատերազմից առաջ Հայաստանի վերափոխման ռազմավարութիւնն ուղենշելու համար: Այս բանաձեւն օգտակար է մեր այսօրուայ իրավիճակից ապագային նայելու համար նոյնպէս: Մենք պէտք է ընկալենք աշխարհը նորովի, պէտք է դիտարկենք մեր անելիքն ու դերակատարումը նորովի, մենք պէտք է մեր հնարաւորութիւնները գնահատենք նորովի: Ընդ որում, առաջին հերթին կրթութեան, գիտութեան, արդիւնաբերութեան զարգացման ոլորտում: Մենք պէտք է կառուցենք մեր երազանքը նորովի եւ մենք պէտք է երազենք նորովի: Ու մեր երազանքները պէտք է ժպիտ բերեն յանուն հայրենիքի նահատակուած մեր եղբայրների հոգիներին, նրանց զաւակներին,նրանց հայրենիքին: Այդ երազանքների իրագործումը պէտք է բերի այդ ժպիտը:
Փառք մեր ընկած հերոսներին, փառք մեր ապրող հերոսներին, ու փառք նրանց, որոնք դեռ կը հերոսանան մեր ժողովրդի երազանքներն իրագործելու, մեր ժողովրդին ստեղծարար յաղթանակներ պարգեւելու ճանապարհին: Այսօր ժամը 13-ին հանդիպում ենք Հանրապետութեան հրապարակում իրագործելու մեր խոնարհումի երթը դէպի Եռաբլուր եւ դա լինելու է նաեւ ապրելու երթ եւ ի ցոյց է դնելու, որ մենք այստեղ ենք, որ մենք ապրելու ենք ու ապրեցնելու ենք:
Շնորհակալ եմ»։
