12.09c
Երեվան
չրք, ապր 16
ՀՅԴ Բիւրոյի անդամ, Ֆրանսայի հայկական կազմակերպութիւններու համակարգող խորհուրդի (CCAF) համանախագահ Մուրատ Փափազեանը հանդէս եկած է յայտարարութեամբ, որը կը ներկայացնենք ստորեւ․
«Կը յուսամ Երկուշաբթի՝ օգոստոս 21-ին, ժամը 15.00-ին (Հայաստանի ժամանակով) մեկնարկելիք նիստի ընթացքին Վարչական դատարանը Հայաստանի Ազգային անվտանգութեան ծառայութենէն յստակ պատասխան կը պահանջէ, թէ ինչու արգիլած են ինծի մուտք գործել Հայաստան։
Տարբեր պաշտօնական վարկածները մէկ տարիէ աւելի կը հակասեն իրար։ Ի վերջոյ, պատճառաբանուեցաւ «պետական գաղտնիքը»։ Այժմ ժամանակն է բացայայտելու իրական դրդապատճառները, որոնք դրդած են վարչապետ Նիկոլ Փաշինյանին՝ առնելու այս քայլը։ Ես միակը չեմ, քանի որ Հայաստան վերադառնալու իմ արգելքէն մի քանի օր անց նոյն ճակատագրին արժանացան Սիւնէ եւ Մասիս Աբրահամեանները, մի քանի ամիս անց՝ Նժդեհ Գարագաւորեանը, Ասլան Ասլանեանը եւ Արենի Մարկոսեանը։ Բոլորն ալ Դաշնակցութեան անդամներ են։
Հասկանալի է՝ խախտած են իրաւունքի և ժողովրդավարութեան հիմնարար սկզբունքները։ Ազատութիւններու և ժողովրդավարութեան դրօշները ծածանելով իշխանութեան եկած Նիկոլ Փաշինեանը ամէն քայլափոխի կ՛ոտնահարէ զանոնք։
Հայաստանի, Արցախի և Հայ դատի պաշտպանութեան ծառայելու իմ 40 տարուան յանձնառութիւնս հիմնուած է խոր համոզումներու վրայ։ Եւ անկախ ամէն ինչէն ես պիտի շարունակեմ պայքարը Հայաստանի և Արցախի համար՝ բոլոր հնարաւոր հարթակներուն վրայ։ Յանուն Հայաստանի և Արցախի ժողովուրդի անվտանգութեան եւ անկախութեան է, որ մենք պետք է շարունակենք պայքարը։ Կառավարութիւնները կ՛անցնին, ժողովուրդը կը մնայ։ Հայաստանը Նիկոլ Փաշինեանի մասնաւոր սեփականութիւնը չէ։ Օրէնքի գերակայութիւնը ունի իր կանոնները, և Նիկոլ Փաշինեանը խախտած է զանոնք։
Մենք կ'ակնկալենք, որ Հայաստանի արդարադատութիւնը կը պարտադրէ իշխանութիւններուն՝ հրապարակել իմ մուտքի արգելքի պատճառները։
Դատական նիստը, որ տեղի կ՛ունենայ երկուշաբթի՝ օգոստոս 21-ին, ժամը 15:00-ին, էական նշանակութիւն կ՛ունենայ Հայաստանի ժողովրդավարական մակարդակը որոշելու համար։ Իմ վճռականութիւնս անսասան է։ Եթէ Հայաստանի արդարադատութիւնը ցոյց տայ այս խնդիրը լուծելու իր անկարողութիւնը, ես Հայաստանի կառավարութեան դէմ կը պատրաստուիմ դատական հայց ներկայացնել Մարդու իրաւունքներու եւրոպական դատարանին մէջ»։
