3.09c
Երեվան
ուրբ, նմբ 22
Հայաստանի պետական պարտքը 2023 թուականին նախնական տուեալներով պիտի կազմէ Համախառն ներքին արդիւնքի (ՀՆԱ) մօտ 48.4 տոկոսը:
Այս մասին ասուլիսին յայտնած է ՀՀ ֆինանսներու նախարար Վահէ Յովհաննիսեանը
«Հայաստանի տնտեսական ներուժը 2023 թուականին աւելացել է: Եւ պետական պարտքը նախնական տուեալներով կը լինի մօտաւորապէս 48.4 տոկոս մակարդակի վրայ՝ մի փոքր աւելանալով 2022 թուականի մակարդակից: Հարկային եկամուտներն առաջանցիկ աճ են արձանագրել: Եւ մենք 2023 թուականի արդիւնքներով ունենք հարկային եկամուտներ-ՀՆԱ 24.1 տոկոս ցուցանիշ»,-ըսած է Յովհաննիսեանը:
Համախառն ներքին արդիւնքի (ՀՆԱ) կանխատեսումները նախնական են, դեռ չկայ ՀՆԱ-ի վերջնական հաշուարկը: Կառավարութիւնն իր ծրագրով նպատակ դրած է հարկեր-ՀՆԱ յարաբերակցութիւնը հասցնել 25 տոկոսի: Նախարարը աւելցուցած է, որ այդ ուղղութեամբ բաւականին մեծ առաջընթաց գրանցած են վերջին տարիներու ընթացքին:
Նախարարը ուրախալի համարած է, որ ոչ ռեզիդենտ (մշտական բնակուող եւ գործող անձինք եւ կազմակերպութիւններ), ինչպէս նաեւ դրամատուն չհանդիսացող ներդրողներու կշիռը կը բարելաւուի: Սա կը նշանակէ, որ Հայաստանը կը դառնայ հետաքրքիր՝ միջազգային ներդրողներու համար: Դրական միտումներ կան պարտատոմսերու եկամտաբերութեան հետ կապուած:
