23.09c
Երեվան
հնգ, օգս 13
Հայաստանի վարչապետ Նիկոլ Փաշինեան Թիֆլիսի մէջ պիտի մասնակցի «Մետաքսի ճանապարհ»ի չորրորդ միջազգային համաժողովին։ Միջոցառման պիտի մասնակցի նաեւ Ատրպէյճանի վարչապետ Ալի Ասատովը։
Ըստ համաժողովի պաշտօնական կայքին մէջ հրապարակուած օրակարգի՝ հոկտեմբեր 26-ին բացման խօսքով հանդէս պիտի գայ Հայաստանի վարչապետ Նիկոլ Փաշինեանը։ Անոր ելոյթէն ետք բացման խօսք պիտի ունենան նաեւ Ատրպէյճանի վարչապետ Ալի Ասատովը եւ Ասիական զարգացման դրամատան փոխնախագահ Ռոպերթա Քասալին։
Համաժողովը պիտի բանայ Վրաստանի վարչապետ Իրաքլի Ղարիպաշվիլին։ Գլխաւոր ուղերձն է՝ «Կապելով այսօրը կայուն վաղուան հետ»։ Թեմաներն են՝ Արեւելքի ու Արեւմուտքի միջեւ առեւտուրի նոր ճարտարապետութիւնը, Միջին միջանցքի դերի բարձրացումը, ուժանիւթի ոլորտի բազմազանեցումը, զբօսաշրջութեան կայուն զարգացումն ու կայուն ապագայի համար բազմազանեցուած ներդրումները։
«Մետաքսէ ճանապարհ» թիֆլիսեան համաժողովը կայացած է 2015, 2017 եւ 2019 թուականներուն։
