1.09c
Երեվան
ուրբ, դկտ 27
Ղազախստանին առաջարկած են դառնալ «Պրիքս» կազմակերպութեան գործընկեր։
Այս մասին յայտնած է Ղազախստանի մէջ Ռուսիոյ դեսպան Ալեքսէյ Պորոտավքինը, հաղորդած է «Ռիա Նովոստի»ն:
«Վերջերս Քազանի մէջ կայացած «Պրիքս»-ի գագաթնաժողովին ստեղծուեցաւ գործընկեր պետութիւններու նոր կարգ, 13 պետութիւն հրաւիրուեցաւ միանալու կառոյցին, այդ շարքին՝ Ղազախստանը: Վստահ եմ, որ այդ որոշման նշանակութիւնը միայն պիտի բարձրանայ դէպի աւելի արդար, բազմաբեւեռ աշխարհակարգ անցնելու ժամանակ»,-ըսած է Ալեքսէյ Պորոտավքինը։
Ռուս դիւանագէտը յոյս յայտնած է, որ Ղազախստանի մայրաքաղաքին մէջ փորձագէտներու հանդիպումը կը շարունակէ քննարկումը ոչ միայն «Պրիքս»-ի գագաթնաժողովի, այլեւ հոկտեմբեր 31-էն նոյեմբեր 1-ը Մինսքի մէջ կայացած Եւրասիական անվտանգութեան միջազգային համաժողովի արդիւնքներու շուրջ։
Դեսպանը նշած է Ղազախստանի հաւասարակշռուած եւ կառուցողական արտաքին քաղաքականութիւնը եւ Աստանայի աշխուժ դերը Կեդրոնական Եւրասիոյ մէջ տարածաշրջանային կայունութեան պահպանման գործին։
