18.09c
Երեվան
հնգ, ապր 30
Իտալիոյ հաւաքականը նուաճած է Եւրօ-2020-ի 1/8 եզրափակիչի ուղեգիր։ Ա խումբի երկրորդ շրջանի խաղին Ռոպերթօ Մանչինիի գլխաւորած խումբը Հռոմի մէջ մրցած է զուիցերիացիներու հետ եւ յաղթած 3։0 հաշուով։
Տուպլի հեղինակ դարձած է իտալական «Սասուոլոյի» կիսապաշտպան Մանուէլ Լոքաթելին, որ աչքի ինկած է 26-րդ եւ 52-րդ վայրկեաններուն։ 89-րդ վայրկեանին իտալացիներու երրորդ կոլը խփած է «Լացիոյի» յարձակող Չիրօ Իմոպիլէն։
Իտալիան երկրորդ յաղթանակը տարած է եւ 6 միաւորով խումբի առաջատարն է։ Առաջին շրջանին եւս Իտալիան 3։0 հաշուով յաղթած էր Թուրքիոյ։
Զուիցերիան 1 միաւորով երրորդն է, երկրորդ տեղը Ուելսն է՝ 4 միաւոր։ Խումբի յետնապահը Թուրքիան է, որ երկու պարտութիւն կրած է։
Խմբային փուլի վերջին շրջանին Իտալիան 20 Յունիսին պիտի մրցի Ուելսի խումբի հետ։
