13.09c
Երեվան
չրք, հկտ 02
Իրանի առաջին փոխնախագահ Մոհամմատ Ռեզա Արեֆը որպէս յատուկ հիւր պատուիրակութեան գլխաւորութեամբ ՀՀ վարչապետի հրաւէրով ժամանած է Երեւան՝ Եւրասիական տնտեսական միութեան անդամ երկիրներու ղեկավարներու հանդիպման մասնակցելու նպատակով, գրած է Tasnim լրատուական գործակալութիւնը:
Հանդիպման պիտի քննարկուի Իրանի անդամակցութեան գործընթացն այս միութեան, որ կ՚ընդգրկէ Իրանի հիւսիսային հարեւաններ Ռուսիան, Հայաստանը, Ղազախստանը, Ղրղզստանը, Ուզպեքստանը եւ Պելառուսիան։
«Իրանի Իսլամական Հանրապետութեան անդամակցութեան գործընթացը տարածաշրջանային եւ միջազգային կարեւոր պայմանագրերուն եւ կազմակերպութիւններուն, ինչպիսիք են Շանհայի համագործակցութեան կազմակերպութիւնը եւ ՊՐԻՔՍ-ը, աւարտած է: Իսկ այսօր Հայաստան կատարած այցի ժամանակ պիտի առաջարկուի միանալ Եւրասիական տնտեսական միութեան, որ կարեւոր կազմակերպութիւն է, կը հանդիսանայ մեծ շուկայ առեւտրային եւ տնտեսական ոլորտներու մէջ», -ըսած է Իրանի առաջին փոխնախագահը:
Tasnim-ը յիշեցուցած է, որ աւելի վաղ Իրանի եւ ԵԱՏՄ-ի միջեւ ստորագրուած է ազատ առեւտուրի համաձայնագիր, որ կը գտնուի իրականացման փուլի մէջ։
