Թուրքիա- («Հիւրրիյէթ Տէյլի Նյուզ»-Պոլիս) Պոլսոյ մէջ հեռակայ կարգով ձերբակալման հրաման հրապարակուած է,Միացեալ Նահանգներ բնակութիւն հաստատած իսլամական ուսմունքի գիտնական Ֆէթհիւլլա Կիւլէնին դէմ, մինչ տեղական դատարան մը ընդունած է մեղադրական գործունէութիւն ընդդէմ 69 կասկածեալներու, ներառեալ Կիւլէնը «Ֆէթհուլլայական ահաբեկչական կազմակերպութիւն (FETO) զուգահեռ գործող (PDY) կազմակերպութեան անդամներուն դէմ: Պոլսոյ 13-րդ վերադատ դատարանը, 1453 էջնոց մեղադրանք ընդունած է ընդդէմ Կիւլէնին եւ անոր կասկածելի դաշնակիցներուն, ինչպէս նաեւ Կիւլէնի գործակից համարուող Սինան Տուրսունին դէմ: Դատարանը հրամայած է, որ այս կասկածելիները փնտռուին դատարանի կողմէ արձակուած, կարմիր նկատողագիրով:Կիւլէն մեղադրուած է «Թրքական հանրապետական կառավարութիւնը տապալելու» առընթեր անոր պատրաստած ծրագրին համար: Ըստ դատական վճիռին ան կազմակերպած է FETO/ PDY զինեալ կուսակցութիւն մըստանալով գաղտնի տուեալներ, որոնք քաղաքական լրտեսական նպատակներու կը ծառայեն, «Մեղադրանքներու պատիժը կը սահմանուի 37 տարի բանտարկութեամբ»:Ըստ ամբաստանագրին ոստիկանութեան նախկին տեղակալ Համզա Թոսուն Պոլսոյ ֆինանսական ոճիրներու մասնաճիւղի նախկին ղեկավար Քազիմ Աքսոյ եւ ֆինանսական ոճիրներու մասնաճիւղի ղեկավար ու նախկին պատգամաւոր Եասին Թափսու, կ'ենթադրուին ըլլալ զինեալ կազմակերպութեան ղեկավարները: Անոնք 338 տարի բանտարկութիւն դիմակալելու ենթակայ են:Այս հակասական դէպքի լսումները պիտի ըլլան յառաջիկայ տարուան 6-8 Յունուարէն մինչեւ 11 Յունուար եւ դատավարութեան վայրը տակաւին չէ որոշուած:Մեղադրական գործունէութիւնը ագդը պատրաստուած էր Պոլսոյ հասարակական գլխաւոր դատախազական գրասենեակին կողմէ:Ութը հոգի, որոնց մէջ էր նախագահ Ռաջապբ Թայէպ Էրտողան, զաւակը՝ Պիլալ Էրտուղան եւ Թուրքիոյ գաղտնի սպասարկութեան (MIT) գլխաւորը Հագան Ֆիտան, այս հարցով որպէս գանգատողներ ցուցակագրուած են: 27 անձեր, որոնց մէջ է Վարչապետ Ահմէտ Տաւուտօղլու, ցուցակագրուած են որպէս զոհեր: