image

Բերիոյ Թեմի Առաջնորդ ընտրուած է Գերշ. Տ. Մակար եպս. Աշգարեանը

  Բերիոյ Թեմի  Առաջնորդ  ընտրուած է Գերշ.  Տ. Մակար եպս. Աշգարեանը

  Բերիոյ  թեմի  դիմատետրեան էջէն  վերահասու կը   դառնանք, թէ    Կիլիկեան Աթոռի  կարող եւ նուիրուած  միաբաններէն՝ Գերշ. Տ. Մակար եպս. Աշքարեան  ընտրուած է    Թեմի Առաջնորդ։ 

  Հրապարակուած հաղորդագրութեան մէջ մասնաւորապէս գրուած է ՝

Բերիոյ Հայոց Թեմի Ազգային Երեսփոխանական ժողովի 172-րդ նիստը գումարուեցաւ Ուրբաթ,  2 Դեկտեմբեր 2022-ի յետմիջօրէին, Ազգ. Առաջնորդարանի դահլիճէն ներս, թեմի երեսփոխաններու, Ազգ. Կրօնական ժողովի, Ազգ. Վարչութեան եւ հիւրաբար   ազգ․ մարմիններու ատենապետներու ներկայութեան`  Բերիոյ Թեմի նոր առաջնորդի ընտրութեան օրակարգով։

ՆՍՕՏՏ Արամ Ա․ Վեհափառ  Հայրապետը ընդառաջելով Բերիոյ Հայոց Թեմի Առաջնորդական ընտրութեան առնչուող թեմի խնդրանքին, պաշտօնագիրով  ուղարկեց առաջնորդական ընտրելիներու եռանուն ցանկ մը։ Ժողովը այնուհետեւ ընթերցեց կաթողիկոսարանի պաշտօնագիրը  եւ եռանդամ ցանկի  միաբաններու կենսագրական գիծերը։ 

Արդարեւ, փակ քուէարկութեամբ եւ միաձայնութեամբ, Բերիոյ Հայոց Թեմի Երեսփոխանական Ժողովը Գերշ․ Տէր Մակար Սրբ․ Եպս․ Աշգարեանը ընտրեց որպէս  Բերիոյ Հայոց Թեմի Արժանընտիր գահակալ։

Դիւան 

Բերիոյ Հայոց Թեմի Ազգ․ Երեսփոխանական ժողովի 

Հալէպ, 2 Դեկտեմբեր 2022