19c
Երեվան
հնգ, մյս 15
Այսօր Կարմիր խաչի միջազգային կոմիտէի (ԿԽՄԿ) հովանիին տակ ԼՂՀ վերադարձուած է պայմանագրային հայ զինուոր Անդրանիկ Գրիգորեանը, որ ընթացիկ տարուան Մարտ 22-ին հատած էր ղարաբաղա-ազրպէյճանական շփման գիծը: Այս մասին լուրը փոխանցեց «Արցախփրես»-ը, որուն թղթակիցին հետ զրոյցի ընթացքին ԿԽՄԿ Լեռնային Ղարաբաղի առաքելութեան տեղեկատուութեան բաժնի աշխատակից Էթերի Մուսայելեանը նշած է, որ ռազմագերիին վերադարձը տեղի ունեցած է շփման գիծին վրայ` Պաշ Քարվեանդ գիւղի մօտ: «Ազատազրկման ընթացքում, ԿԽՄԿ-ն պարբերաբար այցելել է ռազմագերուն` դիտարկելու կալանաւորման պայմանները, նրա հետ վերաբերմունքը եւ ապահովելու կապը ընտանիքի հետ: Գործելով որպէս չէզոք միջնորդ եւ իր մանդատի (լիազօրութիւններուն, յանձնարարութեան) համաձայն ԿԽՄԿ-ն աջակցել է այս գործողութեանը ելնելով Ազրպէյճանի իշխանութիւնների վերադարձի որոշման հիման վրայ եւ լիարժէք համագործակցելով բոլոր կողմերի հետ»,- ըսած է Է. Մուսայելեանը եւ աւելցուցած, որ մինչեւ վերադարձը ռազմագերին հաւաստիացուցած էր ԿԽՄԿ-ի աշխատակիցներուն, որ կը վերադառնայ իր յօժար կամքով: Է. Մուսայելեանի խօսքով` հիմնուելով Ժնեւեան համաձայնագիրով սահմանուած իր լիազօրութեան վրայ` ԿԽՄԿ-ն Ղարաբաղեան հակամարտութեան հետ կապուած տարածաշրջանին մէջ կը գործէ 1992 թուականէն ի վեր:
