32.09c
Երեվան
հնգ, հլս 31
Հարիսան հայկական ազգային կերակուր է՝ ցորենի ձավարով եւ հավի, ոչխարի կամ տավարի մսով եփվող ավանդական ճաշ: Այս կերակուրը պատրաստում են ինչպես սովորական օրերին, այնպես էլ՝ տոնական, բայց այն առավելաբար համարվում է տոնական, ծիսական կերակուր:
Վաղը Ս. Մարիամ Աստվածածնի Վերափոխման տոնն է, որի նախօրյակին ավանդաբար պատրաստում են հարիսա, եկեղեցիներում այն բաժանում են հավատացյալ ժողովրդին:
Բաղադրատոմսը
650-700 գ սպիտակ ձավարը եփելուց մեկ ժամ առաջ թրջել:
2-2.5 կգ հավը ( կարելի է հնդկահավի, գառան կամ տավարի մսով էլ եփել) մասերի բաժանել, լցնել կաթսայի մեջ, ավելացնել ձավարը, լցնել մոտ 4 լիտր ջուր, պատրաստել միջին կրակի վրա՝ աստիճանաբար թուլացնելով կրակը, մինչեւ միսը եփվի: Այնուհետեւ առանձնացնել միսը ոսկորներից եւ խառնելով եփել այնքան, մինչեւ միատարր զանգված ստացվի, ավելացնել աղ: Թողնել, որ հարիսան 15–20 րոպե հանգստանա, ապա մատուցել խորը ափսեի մեջ` վրան ավելացնելով մի կտոր կարագ կամ հալած յուղ:
