5.09c
Երեվան
կրկ, նմբ 10
Ատրպէյճանի Միլլի մեճլիսը (Խորհրդարանը) արտահերթ խորհրդարանական ընտրութիւններ նշանակելու վերաբերեալ երկրի նախագահ Իլհամ Ալիեւին ուղղուած դիմումի վերաբերեալ որոշման նախագիծ պատրաստած է։ Որոշման բնագիրը ընթերցած է պատգամաւոր Թահիր Ռզաեւը, յայտնած են ատրպէյճանական լրատուամիջոցները։
Այդ կապակցութեամբ խորհրդարանին մէջ ստեղծուած է յանձնաժողով։
Ատրպէյճանի իշխող «Եէնի Ազերպայճան» կուսակցութեան վարչութեան յունիս 20-ի նիստին կուսակցութեան պատգամաւորները միաձայն որոշում ընդունած էին՝ դիմել Ատրպէյճանի նախագահին Միլլի մեճլիսը լուծարելու համար։
Կուսակցութեան փոխնախագահ Թաիր Պուտանովն ըսած էր, որ խորհրդարանական ընտրութիւնները պէտք է կայանան նոյեմբերին Պաքուի մէջ կայանալիք կլիմայի հարցերով միջազգային COP 29 նստաշրջանի ժամանակ։
Ատրպէյճանի մէջ վերջին նախագահական ընտրութիւնները եւս կայացած են արտահերթ կարգով՝ նախատեսուած ժամկէտէն քանի մը ամիս շուտ։
