6.09c
Երեվան
չրք, նմբ 20
Ատրպէյճանը թոյլ չի տար վերականգնողական աշխատանքներ իրականացնել այն հատուածին մէջ, ուր վթարուած է Արցախը Հայաստանէն սնուցող միակ բարձր լարման գիծը: «Արմէնփրէս»-ի հարցմանն ի պատասխան՝ այս մասին յայտնած են Արցախի արագ արձագանգման-օպերատիւ շտաբէն:
Աւելի վաղ Արցախի տեղեկատուական շտաբէն յայտնած էին, որ 9 յունուարին` ժամը 14։35-ին, Արցախը Հայաստանէն սնուցող միակ բարձր լարման գծի 33-րդ քիլոմեթրին արձանագրուած է վթար։ Ըստ սարքաւորումներով արձանագրուած տուեալներու` վթարը կը գտնուի Աղաւնօ-Բերձոր հատուածին մէջ։ Որոշում կայացուած է հանրապետութեան ելեկտրամատակարարումը իրականացնել տեղական արտադրող կայաններու միջոցով՝ համապատասխան սահմանափակումներով։ Ելլելով տուեալ իրավիճակէն` Հանրապետութեան մէջ 10 յունուարէն կ'իրականացուին հովհարային անջատումներ, որոնց մասին պարբերաբար կարելի է տեղեկանալ «Արցախէներգո» Փակ բաժնետիրական ընկերութեան (ՓԲԸ) կայքէն:
