Ամերիկեան պատիժները ազդեցիկ կրնան չըլլալ. New York Times

Ամերիկեան պատիժները ազդեցիկ կրնան չըլլալ. New York Times

New York Times-էն կը կարդանք՝ ԱՄՆ կրնայ Ռուսաստանին սպառնալ կոշտ պատժամիջոցներով՝ ի պատասխան իբր ծրագրուած Ուքրանիա ներխուժման, սակայն գործնականօրէն դժուար է զանոնք կիրառել, եւ նման միջոցներու ազդեցութիւնը կրնայ բաւարար չըլլալ Մոսկուայի վրայ ազդելու համար:

Շարք մը ամերիկեան լրատուամիջոցներ՝ յղում ընելով աղբիւրներուն, աւելի վաղ թուարկած էին Ռուսաստանի դէմ Սպիտակ տան հնարաւոր քայլերը Ուքրանիոյ դէմ «յարձակողականի» պարագային։ Պատժամիջոցները, ենթադրաբար, կրնան ազդել ՌԴ նախագահի մերձաւոր շրջապատի եւ ռուսական ուժանիւթ արտադրողներու, խոշոր դրամատուներու եւ Ռուսաստանի ուղղակի ներդրումներու հիմնադրամի ներկայացուցիչներուն վրայ, ինչպէս նաեւ նախատեսել երկրի անջատումը միջազգային միջդրամատնային համակարգէն։

Ինչպէս նշած է New York Times, Ռուսաստանի ուժանիւթի հատուածի նկատմամբ պատժամիջոցներու կիրառման կը խոչընդոտէ շուկային մէջ տիրող իրավիճակը, ուր նաւթի ու կազի գիները արդէն իսկ բարձր են։ Բացի այդ, նման սահմանափակող միջոցները լրջօրէն կը հարուածեն եւրոպական երկիրներուն, որոնք կախեալ են Ռուսաստանի Դաշնութեան ուժանիւթէն։ 

Ռուսաստանը SWIFT համակարգէն անջատելը կ'ըլլայ ամենացաւոտ միջոցը, գոնէ կարճաժամկէտ հեռանկարին։ Իրանի հետ, որ անջատուած էր SWIFT-էն 2018 թուականին, այդ տեղի չունեցաւ, յիշեցուցած է թերթը։ Նման քայլ կրնայ միայն ամրացնել Ռուսաստանի Դաշնութիւնը, ըստ հրապարակման հեղինակներուն, եւ ստիպել, որ երթայ նախատեսուած ճանապարհով։

Ի վերջոյ, ինչպէս նշած է New York Times-ը, Մոսկուայի գործողութիւններուն պատճառով նախապէս կիրառուած պատժամիջոցները ապարդիւն եղած են. անոնք չեն կանխած Խրիմի վերամիաւորումը Ռուսաստանին եւ Տոնպասի հակամարտութիւնը։ Հետեւաբար, կասկածներ կ'առաջանան այն միջոցառումներու արդիւնաւէտութեան վերաբերեալ, որոնցմով այժմ Ուաշինկթընի վարչակազմը կը սպառնայ Մոսկուային։