4.09c
Երեվան
հնգ, հկտ 03
«Այս օրերին ղարաբաղա-ադրբեջանական զորքերի շփման գծում տեղի ունեցող գործողությունները ոչ միայն հայ-ադրբեջանական լայնածավալ զարգացումների արդյունք են, այլ` տեղի ունեցածը բխում է տարածաշրջանային ընդհանուր պատերազմական իրավիճակից»,-«Արևելքի» հետ զրույցում վերջին օրերի սահմանային իրադարձությունների մասին խոսելով` ասաց ՍԴՀԿ Կենտրոնական Վարչության ատենապետ Հակոբ Տիգրանյանը: Նա նշեց, որ անհնար է չտեսնել այդ ակնհայտ իրողությունը, և որ ներկայիս Թուրքիայի տարածքում գտնվող Արևմտյան Հայաստանի մեջ տեղի ունեցածը ուղղակի և անուղղակի ձևով ղարաբաղյան պատերազմի հետ կամուրջ է կազմում: «Ինձ համար մեկընդմիշտ ակնհայտ է նաև, որ Ալիևի իշխանությունը կորցրել է հսկողությունն ու հակակշիռը (control), և դա թաքցնելու միակ միջոցը ստի գործադրումն է: Ալիևն ու իր իշխանությունը չեն տիրապետում սահմանային զարգացումներին»,-նշեց մեր զրուցակիցը: Ըստ նրա, սա լուրջ հարց է և մեզ բոլորիս մտածելու տեղիք պետք է տա այն, որ պատերազմ հրահրողները գտնվում են սահմաններից դուրս: «Հայաստանն ու հայ ժողովուրդը թևակոխում են նոր հանգրվան, որին պետք է պատրաստ լինենք ազգովի»,-նշեց ՍԴՀԿ ատենապետը:
