10.09c
Երեվան
հնգ, ապր 30
Մոսկուան յոյս ունի, որ 25 մայիսին Ռուսիոյ մայրաքաղաքի մէջ Ռուսիոյ, Հայաստանի եւ Ատրպէյճանի ղեկավարներու կայանալիք հանդիպումն արդիւնաւէտ կ'ըլլայ։ Այս մասին ատրպէյճանական Report-ին յայտնած է ՌԴ նախագահի մամուլի քարտուղար Տմիթրի Փեսքով։
«Հինգշաբթի այստեղ պիտի ըլլան ե՛ւ նախագահ Ալիեւը, ե՛ւ վարչապետ Փաշինեանը, մենք կ'ակնկալենք, որ շփումներ ըլլան մեր նախագահին հետ, այս շփումներու նախապատրաստական աշխատանքները կ'ընթանան, եւ, ի հարկէ, մենք կը ցանկայինք արդիւնաւէտութեան յոյս ունենալ, թէ որքանո՞վ արդիւնաւէտ, ժամանակը ցոյց կու տայ»,- ըսած է Քրեմլինի ներկայացուցիչը։
Աւելի վաղ Մոսկուայի մէջ տեղի ունեցած են եռակողմ բանակցութիւններ՝ Ռուսիոյ Դաշնութեան, Հայաստանի եւ Ատրպէյճանի ԱԳ նախարարներու մասնակցութեամբ:
