19.09c
Երեվան
չրք, մյս 06
Կիրակի, Մայիս 24-ին տեղի ունեցավ Փարիզի արվարձաններից` հայաշատ Ալֆորվիլի նորընտիր քաղաքապետական խորհրդի անդամների պաշտոնի ստանձնման արարողությունը:
Քաղաքապետ դարձավ Լուք Քարվունաս, իսկ Սարո Մարտիրյան ընտրվեց քաղաքապետի տեղակալ:
Այս առթիվ իր ունեցած ելույթում Մարտիրյան հատկապես ասաց-. «41 տարիներ առաջ այս քաղաքը հյուրընկալեց մեր ընտանիքի անդամներին եւ առիթը տվեց դառնալու այն ինչ որ եմ այսօր: Այժմ եկել է հերթը ինձ` վերադարձնելու Արֆորվիլին եւ ծառայելու հանձնառությամբ ու անձնազոհությամբ:
«Այս առթիվ շնորհակալ եմ իմ ծնողներին, որոնք Թուրքիայից եկան այստեղ, որպեսզի ես ունենամ աւելի լավ ապագա: Շնորհակալ եմ Սոցիալ Դեմոկրատ Հնչակյան Կուսակցության իմ ընկերներին իրենց աջակցության համար եւ հատուկ շնորհակալություն իմ տիկնոջ` Ֆլորա Հակոբյանին, որ նեցուկ եղավ ինձ` տնից իմ երկար բացակայություների ընթացքում:
«Ես հպարտ եմ կրելու այս եռագույն ժապավենը: Ինչպես շատ հայեր, մենք կրողներն ենք Ֆրանսայի արժեքներին, պատմության եւ մշակույթին, որ դարձրել ենք մերը ու պահում ենք մեր հայկական ավանդույթների կողքին:
«100% Ֆրանսիացի, 100% Հայ, ինչպես սիրում էր ասել Շարլ Ազնավուրը»:
Ալֆորվիլի մեջ է գտնվում Հայոց Եկեղեցին եւ կան փողոցներ Կոմիտասի եւ Միսաք Մանուշյանի անուններով:
Ալֆորվիլը քույր քաղաք է Աշտարակի հետ՝ 1993 թուականից, իսկ Օշականի հետ` 2001-ից:
