11.4c
Երեվան
կրկ, ապր 19
Թուրքիա- Պոլսոյ մէջ պիտի յարգեն Փարամազ Քըզլպաշի յիշատակը: Այս մասին տեղեկութիւնը ստացանք «Արեւելք»ի աղբիւրներէն: Յիշեցնենք, որ Քըզլպաշ զոհուած էր Սուրիոյ քրտաբնակ Քոպանի շրջանին մէջ 2014 թուականին ISIS -ի ահաբեկիչներուն դէմ եղած մարտերուն ընթացքին: Քըզլպաշ իր «Փարամազ» անունը ընտրած է առ ի յարգանս Հնչակեան անուանի գործիչ Մատթէոս Սարգիսեանին, որ յայտնի է Փարամազ անունով: Թուրք ձախակողման մարտիկը զոհուած էր 30 տարեկանին եւ ան Թուրքիոյ Կեսարիա շրջանէն է:Մեր տեղեկութիւններով տարբեր խմբաւորումներու կողմէ կազմակերպուած սոյն ձեռնարհին պիտի արտասանուի նաեւ Հնչակեան կուսակցութեան խօսքը: Տեղին է նշել, որ քրտական ջոկատներ կարեւոր ինքնապաշտպանութիւն իրականացուցին Քոպանիի մէջ եւ ստիպեցին «Իսլամական պետութեան» ահաբեկիչները հեռանալ շրջանէն: Քրտական ջոկատներ մեծ թիւով զոհեր տուին մարտերու ընթացքին, որոնցմէ մէկը, ազգութեամբ թուրք եւ գաղափարանուէր ռազմիկ ՝ Փարամազ Քըզլպաշն էր:
