18.09c
Երեվան
շբթ, մյս 09
Սուրիոյ մէջ ՀՀ մարդասիրական առաքելութիւնը կը շարունակուի, մէկ տարուան ընթացքին ականազերծուած է 126 հազար քմ տարածք: Այս մասին կը յայտնէ Մարդասիրական ականազերծման եւ փորձագիտական կեդրոնը:
ՀՀ մարդասիրական խումբը մէկ տարիէ ի վեր կը գործէ Սուրիոյ մէջ։ 8 Փետրուար 2019-էն մինչեւ 8 Փետրուար 2020 ականազերծողները մաքրած են 126 հազար քառակուսի մեթր տարածք, որմէ մօտաւորապէս 91,000 մեթր քառակուսի հատուածը (ականներով եւ պայթուցիկ զինամթերքով լեցուն) զննուած եւ յանձնուած է Հալէպի նահանգային իշխանութիւններուն: Մարդասիրական ականազերծման եւ փորձագիտական կեդրոնը կը տեղեկացնէ, որ յանձնման վկայականին համաձայն, ալ Հուսէյնիէ բնակավայրի նշուած տարածքները անվտանգ են եւ պիտանի օգտագործման համար:
Հայ մասնագէտները ականներու վտանգի իրազեկման եւ շտապօգնութեան տասնեակ դասընթացքներ կազմակերպած են Հալէպի մէջ: «Մարդասիրական ականազերծման եւ փորձագիտական կեդրոնը» կատարած է նաեւ«Մենք Ձեր Հետ Ենք» եւ «Մի Բուռ Ժպիտ» խորագիրներով մարդասիրական գործեր: Հաւաքուած են նուէրներ եւ փոխանցուած սուրիացի մանուկներուն: Մարդասիրական խումբի բժիշկները պարբերաբար դեղորայք կը տրամադրեն Հալէպի հիւանդանոցներուն:
