27.09c
Երեվան
չրք, հնս 17
Լիբանանի տարածքին գտնուող բոլոր վարժարանները վաղը` երկուշաբթի 21.10.2019-ին փակ պիտի պահեն իրենց դռները։
Այս մասին «Արեւելք» տեղեկութիւն ստացաւ Պէյրութէն։
Մեր աղբիւրը նաեւ հաղորդեց, որ արաբական պետական, թէ անհատական վարժարաններու կողքին հայկական վարժարանները նոյնպէս փակ պիտի պահեն իրենց դռները։
Յիշեցնենք, որ վաղը Լիբանանի մէջ ծայր առած բազմածաւալ ցոյցերու 5-րդ օրն է: Հազարաւոր քաղաքացիներ կը պահանջեն վարչապետ Սաատ Հարիրիի եւ անոր ղեկավարած կառավարութեան արագ հրաժարականը։
Կը սպասուի նաեւ, որ վաղը երեկոյեան Սաատ Հարիրի խօսի լիբանանցիներուն եւ իր վերջնական որոշումին մասին յայտարարէ։
Լուսանկարը ՝ Պէյրութի «Հայկազեան» համալսարան
