20.09c
Երեվան
հնգ, հկտ 02
«Զիս չանհանգստացներ ընդդիմութեան կողմէ յայտարարած հանրահաւաքը»,-այս մասին ԱԺ-ի մէջ լրագրողներու հետ զրոյցի ժամանակ ըսած է «Իմ քայլը» խմբակցութեան ղեկավար Լիլիթ Մակունցը՝ խօսելով «Բարգաւաճ Հայաստան», «Հայրենիք» եւ Հայ Յեղափոխական դաշնակցութիւն կուսակցութիւններու հրաւիրած համատեղ հանրահաւաքի մասին:
«Իմ համար այդ հանրահաւաքներն իրականացնելու պատճառները անհիմն են: Ի հարկէ, այդ ընդդիմադիր ուժերու իրաւունքն է, բայց այն պատճառաբանութիւնները, որոնք անոնք կը բերեն հանրահաւաքը կազմակերպելու համար, անհիմն են»,-ըսած է ան:
Խօսելով այն տեղեկութիւններու մասին, որ խմբակցութեան պատգամաւորներէն մի քանին կը պատրաստուին մանտաթը վար դնել, Մակունցը նշած է, որ հարցերը պէտք է այդ պատգամաւորներուն տալ, եւ քանի որ պատգամաւորներէն շատերը արդէն հերքած են այդ լուրը, վերջինս հարցին անդրադառնալը աւելորդ համարած է:
Հարցին, թէ արդեօք Մակունցը կը բացառէ, որ առաջիկային մանտաթը վար դնող պատգամաւորներ ըլլան, Մակունցը պատասխանած է, որ բռնապետական համակարգի մէջ չեն գտնուիր եւ չի կրնար որեւէ պատգամաւորի մանտաթի հետ կապուած կարծիք յայտնել:
