26.69c
Երեվան
երկ, հլս 06
Վանի միակ հայուհին՝ Գայանէ Գէորգեանը Աստուածածնայ տօնին առթիւ աղօթք կատարած է Աղթամարի Սուրբ Խաչ եկեղեցւոյ մէջ։
Այս մասին «Արեւելք»ին պատմեց Գայանէն նշելով, որ տարբեր առիթներով ալ Վանէն կը մեկնի Աղթամար կղզի եւ մոմ վաելով աղօթք կը կատարէ հայկական եկեղեցւոյ մէջ։
Գայանէ նաեւ կը նշէ, որ տարբեր պայմաններու բերումով վերջին տարիներուն փոխադրուած ու հաստատուած Վանի մէջ եւ այնտեղ կ՚ապրի բնականոն պայմաններու մէջ։
Գայանէն իր խօսքը ուղղելով «Արեւելք»ի ընթերցողներուն նաեւ կոչ ըրաւ աշխարհի բոլոր հայերուն գալ Վան ծանօթանալ հայութեան ամէնէն հին օրրաններէն համարուող Վան քաղաքին ու նաեւ երթալ Աղթամարի կղզի եւ աղօթել Աղթամարի Սուրբ Խաչ եկեղեցւոյ մէջ։
Յիշեցնենք, որ Գայանէն այն հայուհիներէն է, որ կեանքի դժուար պայմաններու բերումով հաստատուած է Պոլիս (աշխատելու նպատակով) ու աւելի լաւ պայմաններ ունենալէ ետք կապը չէ կտրած Հայաստանի հետ, եւ տարբեր առիթներով ալ կ՚այցելէ հայրենիք։
Ի դէպ նիւթին կցուած կարճ տեսերիզին մէջ Գայանէն կը խօսի խաղողները օրհնելու մասին, այդ խօսքն անշուշտ ինքնաբուխ արտայայտութիւն է, պարզ այն պատճառով, որ խաղօղն օրհնելու արարողութիւնը կրնայ կատարել միայն Հայաստանեայց Առաքելական Եկեղեցւոյ ծառայող կրօնաւորը։
