19.09c
Երեվան
ուրբ, մյս 08
Այսօր յետմիջօրէին Հալէպի մէջ զոհուած են 12 անձեր, վիրաւորեալներուն թիւը անցած է 45-ը: Ըստ «Ալ Մայատին» կայանին, Սուրիոյ բանակը յաջողած է ձախողութեան մատնել անցնող շաբաթներուն ամէնէն ծանր համարուած գրոհը, որ կը նպատակադրեր «կոտրել պաշարման օղակ»ը: Ըստ նոյն աղբիւրին, ընդդիմադիր կոչուած զինեալները քլոր նիւթ պարունակող հրթիռներ նետած են յատկապէս «Հալապ ալ ժատիտա» եւ «Ֆըրքան» շրջաններուն ուղղութեամբ, որուն հետեւանքով զոհուած են 12 անձեր: Կը նշուի նաեւ, որ զոհերուն մէջ կան երեխաներ: Գալով հայկական շրջաններուն, ըստ «Արեւելք»ի աղբիւրին, զգուշաւոր հանդարտութիւն կը տիրէ Հալէպի հայկական թաղամասերուն մէջ: Մեր աղբիւրին համաձայն, կարգ մը հայկական վարժարաններ վաղը փակ պիտի պահեն իրենց դռները: Նշենք, որ վաղը ճակատագրական օր մը կը սպասուի Հալէպի մէջ եւ կը նախատեսուի, որ օրեր ի վեր իրենց զարկերը դադրեցուցած ռուսական կործանիչները գրոհներ իրականացնեն Հալէպի արեւելեան հատուածներուն ուղղութեամբ, ուր տեղակայուած են արեւմուտքի կողմէ որպէս «չափաւորական» ընդդիմութիւն ճանչցուած ահաբեկիչ զինեալներու դիրքերը:
