Յունահռոմէական ոճի ըմբիշ, Ողիմպիական խաղերու, Եւրոպայի եւ աշխարհի ախոյեան Արթուր Ալեքսանեանը յաղթանակ արձանագրած է Ղազախստանի միջազգային մրցաշարին:
«Արմէնբրես»-ի հաղորդմամբ՝ 97 քկ քաշային կարգին Ալեքսանեանը եզրափակիչին մրցած է ռուս Ալքսանտր Կոլովինի հետ եւ յաղթած անոր:
2018 դեկտեմբերէն ետք սա Ալեքսանեանի առաջին միջազգային մրցաշարն էր: Ողիմպիական ախոյեանն այս ընթացքին բուժումներ ստացած էր ԱՄՆ-ի մէջ:
Հայաստանի միւս երկու ներկայացուցիչները՝ Արթուր Շահինեանը եւ Արմէն Մելիքեանը պարտուած են պրոնզէ մետալի համար գօտեմարտերուն: Այս քաշային կարգին պրոնզէ մեդալներ նուաճած են Ռուսաստանի ներկայացուցիչներ Նիքիթա Մելնիքովը եւ Տանիլա Սոթնիքովը։