Երեւանի հանրակառքերու կարգ մը վարորդներուն մօտ դաշոյն յայտնաբերուած է (Տեսանիւթ)
Ոստիկանութեան Երեւան քաղաքի վարչութեան, ենթակայ տարածքային բաժիններու ու ճանապարհային ոստիկանութեան առաջին սպայական գումարտակի ծառայողները 21 նոյեմբերին, ուժեղացուած ծառայութիւն իրականացուցած են մայրաքաղաքին մէջ։ Այս մասին կը տեղեկանանք Ոստիկանութեան պաշտօնական կայքէն։
Նպատակը հասարակական կարգի ու երթեւեկութեան անվտանգութեան ապահովումը եղած է։
Տարբեր իրաւախախտումներու համար կանգնեցուած են հասարակական փոխադրամիջոց հանդիսացող հանրակառքեր, խուզարկման հետեւանքով վարորդներուն մօտէն յայտնաբերուած են դանակներ։ Որոշ «Կազելներու» վարորդներու նկատմամբ կազմուած են վարչական իրաւախախտման վերաբերեալ արձանագրութիւններ։ 8 միքրօ-կառք տեղափոխուած է ճանապարհային ոստիկանութեան պահպանուող յատուկ տարածք, քանի որ վարորդները չեն ունեցած համապատասխան վարորդական վկայական։ Ուժեղացուած ծառայութիւնները շարունակական պիտի ըլլան։