-0.91c
Երեվան
չրք, հնվ 08
Հալէպի Քլտան համայնքի եպիսկոպոս Անթուան Ուտօ խօսելով Հալէպի քրիստոնէութեան մասին, նշած է, որ «Հալէպի ժողովուրդի վստահութիւնը՝ իրենց քաղաքի վիճակի կայունութեան նկատմամբ հիմա արդէն ամրապնդուեցաւ», ակնարկելով, վերջին շրջանին քրիստոնեայ ընտանիքներու նկատելի թիւերով Հալէպ վերադարձին:
Եպիսկոպոս Անթուան յայտնած է, որ « ուղղակի ռմբակոծութիւնները Հալէպի վրայ դադրած են, ի տարբերութիւն անոր արուարձաններուն, եւ իրավիճակի յարաբերական բարելաւումը քաջալերեց որոշ ընտանիքներ Լիբանանէն եւ Սուրիական տարբեր շրջաններէն Հալէպ վերադառնալ, ուր անոնք ապաստանած էին վերջին տարիներու ընթացքին»:
Ան աւելցուցած է. «Սուրբ շաբաթուան եւ Զատիկի տօնին եկեղեցիները դարձեալ սկսան մարդով լեցուիլ: Իհարկէ, խօսքը վստահօրէն լայնածաւալ վերադաձներու մասին չէ, սակայն կասկած չկայ, որ այս մէկը՝ ողբերգական վիճակի մէջ յոյսի առաջին նշոյլն է», աւելցնելով, որ «խմելու ջուրը վերադարձած է քաղաք եւ մօտ մէկ ամիսէ ի վեր հասանելի է, սակայն ելեկտրականութիւնը տակաւին չկայ եւ մարդիկ անգործ են եւ ամբողջապէս կը վստահին մարադասիրական օգնութիւններուն»:
Ան իր խօսքը փակելով ըսած է. «Հիմա, երբ իրավիճակը քիչ մը բարելաւուած է, աւելի անհրաժեշտ դարձաւ օգնութիւն տրամադրելը, նկտի ունենալով որ շատ աւելի քրիստոնեաներ իրենց տուները վերադառնալու մասին կը մտածեն: Կը յուսանք, որ ժամանակը եկած է Հալէպի եւ Սուրիոյ նոր վերածնունդին, հասնելով քաղաքական լուծումի եւ վերջ տալով մեր երկրի ոչնչացման ձգտող ծայրայեղական խմբաւորումներու աջակցութեան»:
