2.09c
Երեվան
երք, փտր 10
«Ժողովուրդ» օրաթերթը կը գրէ.
«Հայ գործարարներն Իրան գնալու համար ատրպէյճանցիներին մաքսատուրք են վճարում: «Ժողովուրդ» օրաթերթի տրամադրութեան տակ ատրպէյճանական մաքսակէտի տրամադրած կտրօն է յայտնուել, որ փաստում է՝ հայ գործարարների ապրանքափոխադրմամբ զբաղուող պարսիկ վարորդները շարունակում են օգտուել Գորիս-Կապան ճանապարհահատուածի՝ Ատրպէյճանի վերահսկողութեան տակ յայտնուած հատուածից, ինչի համար ատրպէյճանցիներին գումար են վճարում, տուեալ դէպքում՝ 130 ԱՄն տոլար:
Հարցի առնչութեամբ «Ժողովուրդ» օրաթերթը փորձեց կապ հաստատել տնտեսութեան նախարար Վահան Քերոբեանի հետ՝ ճշդելու, թէ ՀՀ տարածք ներխուժած ատրպէյճանցիների մաքսային գանձումները սկսելու օրուանից այդ ճանապարհահատուածից օգտուելու համար ՀՀ բնակիչներն ինչքան գումար են վճարել ատրպէյճանական կողմին:
Նախարարը, սակայն յորդորեց` գրաւոր հարցում ուղարկել։ Ստացւում է, որ ատրպէյճանցիներին, փաստօրէն, ոչ միայն իրանցիները, այլ նաեւ հէնց մեր հայրենակիցներն են հարկ վճարում Գորիս-Կապան ճանապարհով անցնելու համար, քանի որ այլընտրանքային ճանապարհը անանցանելի է բեռնատարների համար»:
