Արեվելք - Արևելք լրատուական

389
12/07/2022

Յայտնի է, թէ որոնք պիտի գլխաւորեն «Պատիւ Ունեմ» խմբակցութիւնը

11 Յուլիսին, ՀՀԿ կեդրոնէն ներս Սերժ Սարգսեանի նախագահութեամբ տեղի ունեցած է կուսակցութեան Գործադիր Մարմնի հերթական նիստը: Այս մասին կը տեղեկացնեն ՀՀԿ Գործադիր մարմնէն։

Նիստի ընթացքին քննարկուած են կուսակցութեան գործունէութեան վերաբերեալ շարք մը հարցեր։ Շեշտուած է կառուցուածքային ստորաբաժանումներու հետ աշխատանքներու աշխոյժացման եւ ոլորտային կազմակերպութիւններու աշխատանքային ծրագրերը լիարժէք իրագործելու կարեւորութիւնը։

Նիստին ներկայացուած է նաեւ ՀՀԿ արտաքին կապերու շրջածիրէն ներս միջազգային գործընկերներու հետ տարուող աշխատանքներու մասին ընթացիկ տեղեկատուութիւնը։

Քննարկուած է Ազգային Ժողովէն ներս Հանրապետական պատգամաւորներու հետագայ գործունէութիւնը։

Ի գիտութիւն ընդունուած է «Հայրենիք» կուսակցութեան ղեկավարի յայտարարութիւնը «Պատիւ ունեմ» դաշինքէն դուրս գալու մասին եւ արձանագրուած է դաշինքի գոյութեան դադարումը։

Նկատի ունենալով, որ նոյնանուն խմբակցութիւնը Ազգային Ժողովէն ներս դեռ գոյութիւն ունի եւ անոր ղեկավարի թափուր պաշտօնը իրաւաքաղաքական գործընթացներու ապահովման տեսանկիւնէ պէտք է լրացնել, ՀՀԿ Գործադիր մարմինը առաջարկած է խմբակցութեան ղեկավարի պաշտօնին Հայկ Մամիճանեանի, իսկ քարտուղարի պաշտօնին՝ Տիգրան Աբրահամեանի թեկնածութիւնները։

Վերահաստատուած է, որ կուսակցութեան խորհրդարանական գործունէութեան առանցքն եղած է եւ կը մնայ գործող վարչախումբի հեռացումը, ուստի թէ՛ խորհրդարանէն ներս, թէ՛ խորհրդարանէն դուրս Հանրապետականը պատրաստ է համագործակցութեան այդ օրակարգը հետապնդող պատգամաւորներու, քաղաքական եւ հասարակական ուժերու ու գործիչներու հետ։

Քննարկուած են նաեւ Հայաստանի եւ Արցախի շուրջ հետեւողականօրէն վատթարացող անվտանգային միջավայրի մարտահրաւէրները, ինչպէս նաեւ տարածաշրջանային զարգացումները։

Առնչուող լուրեր

01/12/2024

Յայտնի է, թէ որոնք պիտի գլխաւորեն «Պատիւ Ունեմ» խմբակցութիւնը

Ամենաընթերցուածը

Լուրեր